22 Jamadi us sani Yaum e Wisal Hazrat Abu Bakr Siddiq Radiallahu anhoo

Hazrat Abu Bakr Siddiq Radiallahu anhoo

22 Jamadil Aakhir Unke Wisaal ka Din hai Allah ne Jinhe Siddiq kaha, Mustafa ne Jinhe Ateeq kaha! Jo RasoolAllah (SallAllahu Alaihi wa Aalihi wa Sallam) ke Best Friend aur Yaar-e-Gaar wa Mazaar hain! Jinka Islam pe aisa Ehsan hai ke Khud Allah unhe uska badla ata karega! Wo Muqaddas Hasti, Zahiri Khilafat-e-Nabvi ke Khalifa-e-Awwal, Siddiq-e-Akbar Hazrat Sayyeduna Abu Bakr Siddiq RadiAllahu Ta’ala Anhu ka AajWisaal ka Din!

Wisaal ke Waqt Aapki Umre Pak bhi 63 thi aur Din Monday ka tha!

Aaqa SallAllahu Alaihi wa Aalihi wa Sallam ne Sayyeduna Siddiq-e-Akbar aur Sayyeduna Farooq-e-Aazam RadiAllahu Anhuma ko dekha to Irshad farmaya: “Ye Dono (Mere liye) Kaan aur Aankh ki Haysiyat rakhte hain!! SubhanAllah!!

Aur is baat koi inkar nahi karsakta ke Sayyeduna Imam Jafar Sadiq Alaihissalam Sayyeduna Siddiq-e-Akbar RadiAllahu Anhu ke 2 turk se Nawase hain!!

Aisi Azeem ul Martabat Hasti ki Bargah me Kuch Khiraj-e-Aqeedat pesh karen aur Allah aur Uske Habib aur Habib Yaani Ahle Bayt-e-Athaar ko khush karen!

Al Fatiha

Allahumma Salle Ala Sayyedina wa Maulana Muhammadiw wa Ala Aalihi wa Sahbihi wa Baarik wa Sallim

22 Jamadi us Saani

Yaume Wisaal

Ameer ul Momineen Khalifatul Muslimeen Sahabi e Rasool Salaar e Sahaba Yaar e Gaar Yaar e Mazaar Khalifatul Rasool Siddeeq e Akbar Hazrat e Ateeq Syedna Abdullah Abu Bakar Siddique (Razi Allahu Tala Anhu)

Aapki Wiladat 573 Esvi Me Makkah Sharif Me Hui, Aapka Wisaal 22 Jamadi us Saani 13 Hijri Mutabik 23 August 634 Esvi Ko Peer Ke Din Hua, Aap Sahabi e Rasool Hain, Aap Khalifa e Awwal Hain, Aap Sabse Pehle Imaan Lane Wale 4 Logo Me Se Ak Hain, Aap As Saabiqoon Al Awwaloon Me Shaamil Hain, Aap Ashra e Mubashshira Me Se Hain, Jab Musalmano Ki Taadaad 38 Hui Aur Huzoor (Alaihis Salam) Ne Islaam Ki Dawat Ko Zahir Aur Aam Karna Shuru Kiya Tab Sabse Pehle Aapne Huzoor (Alaihis Salam) Ki Taraf Se Logo Ko Jama Karke Islaam Ki Dawat Di, Ye Sunkar Quraish Ke Kuch Logo Ne Aap Par Hamla Karke Apko Jakhmi Kar Diya, Aap Ki Dawat Aur Mashware Se Bhut Saare Log Islaam Me Dakhil Hue, Aapne 8 Ghulamo Ko Aazad Karaya Jo Musalman Ho Gye The, Jab Ahle Makka Ke Zulm Badhne Lage 6 Nabawi 615 Esvi Me Huzoor (Alaihis Salam) Ki Ijazat Se Aap Hijrat Karke Habasha (Abyssinia) Gye, 8 Nabawi 617 Esvi Me Jab Quraish Ne Banu Hashim Se Tamaam Talluqat Tod Diye Aur Huzoor (Alaihis Salam) Ko Bhut Takleef Dene Lage Aur Aapka Bahar Aana Jana Mushkil Ho Gya Tab Ye Sunkar Hazrat Abu Bakar Siddique Ne Wapas Makka Aane Ka Irada Kiya, Aap Qara Ke Sardar Ibne Daghinna Ki Madad Se Makka Wapas Aaye, 12 Nabawi 621 Esvi Me Meraaj Ke Bad Huzoor (Alaihis Salam) Ashaaba Me Meraaj Ki Bate Bayan Farmayi, Kuffar e Makka Ne Hazrat Abu Bakar Ko Jakar Ye Bate Batayi, Aapne Farmaya:- Agar Huzoor (Alaihis Salam) Ne Ye Irshad Farmaya Hai To Yaqeenan Sach Farmaya Hai Aur Me Unki Is Baat Ki Bila Jhijhak Tasdeek Karta Hu, Jab Huzoor (Alaihis Salam) Ko Aapki Is Baat Ka Maloom Hua To Aapne Khush Hokar Aapko Siddeeq e Akbar Ka Laqab Ata Farmaya, Hijrat Ke Waqt Aap Huzoor (Alaihis Salam) Ke Sath The, Aap Kabhi Huzoor (Alaihis Salam) Ki Daahini Taraf Ho Jate, Kabhi Baayi Taraf, Kabhi Aage, Kabhi Piche Chalte Ke Kisi Bhi Taraf Se Koi Dushman Huzoor (Alaihis Salam) Ko Nuqsaan Na Poucha Sake, Phir Raaste Me Huzoor (Alaihis Salam) Ne Gaar e Saur Me Theharne Ka Irada Kiya, Hazrat Abu Bakar Ne Arz Kiya Ya Rasool Allah Is Pahaad Par Chadte Waqt Kankar – Patthar Se Aapko Takleef Ho Sakti Hain Aap Ijazat De To Aap Mere Kandho Par Baith Jaye Me Aapko Lekar Upar Chadhunga, Fir Aap Huzoor (Alaihis Salam) Apne Kandho Par Bithakar Upar Chadne Lage, Phir Jab Aap Gaar e Saur Me Pouche To Pehle Aapne Usko Saaf Kiya, Aur Dekha Ghaar Ke Deewaro Me Bhut Sare Suraakh Hai, Aapne Apna Jubba Phadkar Un Suraakho Ko Band Kar Diya Ke Koi Janwar Aakar Huzoor (Alaihis Salam) Ko Nuksan Na Pouchaye, Magar Ak Suraakh Baaqi Reh Gya, Aapne Huzoor (Alaihis Salam) Se Arz Kiya Aap Aaraam Farma Le, Aur Jab Huzoor (Alaihis Salam) Letkar Aapki God Me Aaram Karne Lage To Aapne Us Suraakh Par Apna Paav Rakh Diya, Thodi Der Me Ak Azdaha Ne Aakar Aapke Paav Par Kata, Aapne Dard Aur Takleef Bardasht Kar Liya Ke Mere Aaqa Ko Khalel Na Ho, Magar Bar Bar Katne Par Aakhir Me Aapki Aankh Se Aansoo Nikal Gaye, Huzoor (Alaihis Salam) Ke Chehra e Anwar Par Jab Aansoo Gire To Aapne Farmaya Abu Bakar Kya Baat Hai ? Aapne Sari Baat Batayi, Huzoor (Alaihis Salam) Ne Aapko Pair Hatane Ke Liye Farmaya, Pair Hatate Hi Surakh Se Azdaha Bahar Aaya Aur Salam Pesh Kiya Aur Kehne Laga Ya Rasool Allah Me Ak Zamane Se Aapke Deedar Ke Liye Gaar Me Rehta Tha, Aur Maine Hi Bahar Aane Ke Liye Ye Sab Suraakh Banaye The Magar Aapke Sathi Ne Ye Sab Suraakh Band Kar Diye The Aur Ak Suraakh Par Apna Paav Rakh Diya Tha To Majbooran Mujhe Aapke Dost Ko Kaatna Pada, Huzoor (Alaihis Salam) Ne Hazrat Abu Bakar Siddique Ke Jakham Par Apna Luaabe Dehan Lagaya To Aapko Foran Aaraam Ho Gya, Is Tarha Juma Se Itwaar Tak 3 Raat Tak Huzoor (Alaihis Salam) Gaar Me Qayaam Pazeer Rahe, Is Tarha 13 Nabawi 622 Esvi Me Aapne Huzoor (Alaihis Salam) Ke Sath Makka Sharif Se Madina Paak Ki Taraf Hijrat Ki, 2 Hijri Me Aapki Sahabzadi Ummul Momineen Hazrat Aaisha Siddiqa (Salamun Aleha) Ka Nikah Huzoor (Alaihis Salam) Ke Sath Hua, Huzoor (Sallallāhu Alaihi wa Aala Aalehi wa Sallam) Ne Aapki Shaan Me Farmaya:- 1. Siwa e Ambiya Ke Kisi Dusre Aese Aadmi Par Aaftaab Tulu Aur Ghuroob Nahi Hua Jo Abu Bakar Se Afzal Ho, 2. Agar Abu Bakar Ke Imaan Ka Meri Tamaam Ummat Ke Imaam Ke Sath Wazan Kiya Jaye To Abu Bakar Ka Imaan Ghalib Aaye, 3. Abu Bakar Ka Yeh Martaba Sirf Uski Ibadat Ki Wajah Se Nahi Hai, Balke Allah Tala Ne Uske Dil Me Jo Khaas Rakha Hai Uski Wajah Se Hai, 4. Sabse Zada Mujh Par Abu Bakar Ke Ehsaan Hai, Maal Ka Bhi Aur Hum-Nasheeni (Sohbat) Ka Bhi, Usne Islaam Ke Liye Apni Jaan Aur Maal Bhi Qurban Kiye Hain Aur Apni Beti Mere Nikah Me Di Hai Aur Abu Bakar Ne Bilaal Al Habshi Ko Azaad Karaya Hai, 5. Kisi Shaks Ke Maal Ne Mujhe Itna Faida Nahi Diya Jitna Faida Mujhe Abu Bakar Ke Maal Ne Diya Hai, (Islaam Qubool Karne Ke Baad Se Lekar Hijrat Tak Aapne Islaam Ki Madad Ke Liye 35000 Dirham Kharch Kar Diye Aur 5000 Dirham Hijrat Ke Waqt Sath Liye), 6. Abu Bakar Ki Muhabbat Aur Unka Shukur Meri Tamaam Ummat Par Wajib Hai, 7. Meri Ummat Me Sabse Zada Reham Dil Abu Bakar Siddique Hai, 8. Ak Baar Huzoor (Alaihis Salam) Ne Aapse Farmaya Abu Bakar Jannat Me Daakhil Hone Walo Me Tum Sabse Pehle Rahoge, 9. Huzoor (Alahis Salam) Ne Aapse Farmaya Abu Bakar Tum Ghar Me Bhi Mere Rafeeq (Sathi) The Aur Jannat Me Bhi Mere Bhut Qareeb Rahoge, 10. Huzoor (Alahis Salam) Ne Aapse Farmaya Tum Jahannum Se Aazad Ho, Aur Ak Martaba Ashaba Se Farmaya Jise Dozakh Se Aazad Shaks Ko Dekhna Ho Woh Abu Bakar Ko Dekh Le, Ak Martaba Huzoor (Alaihis Salam) Ne Farmaya Jab Allah Tala Kisi Momin Ke Liye Bhalaai Ka Irada Karta Hai To Usme Koi Khaslat Paida Farmata Hai Jiske Sabab Wo Jannati Ban Jata Hai Aur Aesi 360 Khaslate Hain, Hazrat Abu Bakar Ne Arz Kiya Ya Rasool Allah Kya Mujh Me Koi Aesi Khaslat Hai ? Huzoor (Alahis Salam) Ne Farmaya Abu Bakar Tumhe Mubarak Ho Ke Tum Me Wo Tamaam Khaslat Mojood Hai, Ak Martaba Huzoor (Alaihis Salam) Ne Farmaya Qayamat Ke Din Namaziyo Ko Bab us Salaat Se Pukara Jayega, Mujahideen Ko Baab ul Jihaad Se, Sadqaat Karne Walo Ko Baab us Sadqa Se, Rozadaro Ko Baab us Siyaam Se Pukara Jayega, Hazrat Abu Bakar Siddique Ne Arz Kiya Ya Rasool Allah Kya Koi Shaks Sab Darwazo Se Pukara Jayega ? Huzoor (Alahis Salam) Ne Farmaya :- Haan, Main Ummeed Rakhta Hu Aye Abu Bakar Ke Tum Unme Se Ho, Aapne Jange Badar, Jange Uhad, Jange Banu Nadir, Jange Banu Quraiza, Jange Khaibar, Ghazwa e Khandaq, Fatah Makka, Jange Hunain, Junge Ta’if Aur Jange Tabook Me Apna Maal Bhi Diya Aur Shareek Bhi Rahe, Aap Suleh Hudaibiyah Ke Mauqe Par Bhi Shamil The, 9 Hijri Me Jab Hajj Farz Hua To Huzoor (Alaihis Salam) Aapko Ameer ul Hujjaaj Banakar Ashaba Ko Aapke Sath Hajj Ke Liye Bheja, 10 Hijri Me Hajjatul Wida Ke Mauqe Par Bhi Aap Huzoor (Alaihis Salam) Ke Sath Rahe, Huzoor (Alaihis Salam) Jab Kahi Bahar Tashrif Le Jate To Hazrat Abu Bakar Ko Imamat Ka Hukum Karte Aur Sab Ashaba Aapke Piche Namaaz Padhte The, Aapne Huzoor (Alaihis Salam) Ki Hayaat e Zaahiri Me 17 Martaba Namaz Me Imamat Farmayi, Jab Huzoor (Alaihis Salam) Ne Wo Andaaz Apna Liya Jisme Sarkar Aaj Zinda Hai To Hazrat Umar Farooq (Razi Allahu Tala Anhu) Ke Mashware Par Aapko Khalifa Banaya Gaya, Aap 13 Rabi ul Awwal 11 Hijri Mutabik 8 June 632 Esvi Ko Sabse Pehle Khalifa Hue, Aapka Daur e Khilafat 2 Saal 4 Maah Ka Raha, Aapse 142 Ahadees Marwi Hain, Aap Ne 7 Jamadi us Saani Ko Gusal Kiya Aur Sardi Ki Wajah Se Aapko Bukhar Ho Gya, Aapne Wisaal Ke Din Hazrat Usmaan Ghani Aur Hazrat Abdur Rehman Bin Awf Ko Hazrat Umar Farooq Ko Khalifa Banane Ki Wasiyat Ki, Aapki Namaz e Janaza Hazrat Umar Farooq Ne Padhayi, Aapne Wisaal Se Qabl Ye Wasiyat Farmayi Thi Ke Mere Janaze Ko Huzoor (Alaihis Salam) Ke Roza Mubarak Ke Samne Rakh Dena Aur Ijazat Talab Karna Agar Darwaza Khul Jaye Aur Ijazat Mil Jaye To Mujhe Roza Mubarak Ke Andar Dafan Karna Warna Aam Qabarustan Me Dafan Kar Dena, Ashaaba Ne Aesa Hi Kiya Jab Aapka Janaza Roza e Rasool Ke Samne Rakha Gya To Darwaza Khud Ba Khud Khul Gaya Aur Huzoor (Alaihis Salam) Ke Mazar Mubarak Se Aawaaz Aayi “Dost Ko Dost Ke Paas Le Aao” Aapka Mazar Mubarak Madina Pak Saudia Arabia Me Roza e Rasool (Sallallahu Alaihi wa Aala Aalehi wa Sallam) Me Huzoor (Alaihis Salam) Ke Bagal Me Hain…

👥 Share this Msg Your other Group and Other Contacts

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create your website with WordPress.com
Get started
%d bloggers like this: