14 Rajab Yaum e Wiladat Khawaja Gareeb Nawaz Radiallahu anhoo

Shajrah e Nasab
Hazrat Sayyid Khwaja Mu’inuddin Hasan Chisti Al-Hussaini Al-Hasni Ahle Bait e Rasool (QaddasAllahu Sirrahu Al Aziz)

*14 Rajab ul Murajjab*

*Yaume Wiladat e Ba’Sadaat*

*Sultan ul Hind Khawaja e Khawajgan Shehansha e Hindustan Hind Al Wali Ata e Rasool Naa’ib e Rasool fil Hind Qutub ul Mashaikh e Bahr o Bar Hazrat Khawaja Syed Moinuddin Hasan Chishty Ajmeri Sanjari Huzoor Khawaja Gareeb Nawaz (Razi Allahu Tala Anhu)*

*Tamaam Aalam e Islaam Ko Bhut Bhut Mubarak*

Sarkaar e Garib Nawaz Rahmatullahi Ta’ala Alaihe Apne Peero Murshid Ke Hawale Se Farmate Hai :
Maine MA’ARIFATUL MUREEDIN Mai Padha Hai Ke Hazrat Sheikh Khwaja Usman Harooni Rehmatullahi Ta’ala Alaihe Farmate Hai, Jo Shakhs Apne Peer Ki Khidmat Dilo Jaan Se Karta Hai Allah Ta’ala Usse Bagair Hisab Ke Jannat Mai Dakhil Karega Aur Uss Ko Motiyo(n) Ke 1000 Mahal Ataa Karega , 1000 Saal Ki Ibadat Ka Sawab Ataa Karega Aur 1000 Hoore Uss Ki Khidmat par Mamoor Ki Jayegi.

Itna Bayaan Kar Ke Sarkaar e Khwaja e khajgaan Rahmatullahi Ta’ala Alaihe Ki Aankho(n) Se Ashq Behne Lage Aur Aap Ne Farmaya Ke Qayamat Ke Din Awliya , Siddiquin, Aur Mashaeekh e Tariqat Ko Qabro Se Uthhaya Jayega toh Un Ke Kandho Par Kamliya Padi Hongi. Har Kamli Ke Sathh Hazaaro Reshe Latakte Honge Un Buzurgo Ke Mureed Aur Aqeedatmand Un Resho Ko Pakad Kar Latak Jayenge Aur Un Ke Sathh Pulsirat Uboor Kar Ke Bahisht Mai Dakhil Ho Jayenge.

–
[Sirat e Khwaja Ghareeb Nawaz Rahmatullahi Ta’ala Alaihe, Pg No.453]