Yaum e Mubahila 24 ZilHajj

“Najran se isaiyon ka wafad aaya, 60 ya 80 unke akabir ulema they isayi najran ke wo Aaqa SallAllahu Alaihi wa Aalihi wa Sallam ki Bargah me aaye. Aur aakar unhone Aaqa SallAllahu Alaihi wa Aalihi wa Sallam se kuch sawalat karna chahe Isa Alaihissalam ke baare me. Unke iradey gustakhana they, khair unhone sawalat kiye, Aaqa SallAllahu Alaihi wa Aalihi wa Sallam ne jawab diye. Kyunki wo log galat iradey se aaye they to tamam jawabaat sunkar unhone kaha ke hum kal aapko iska reply (jawab) denge. Aur unhone Mubahle ka socha wo maazAllah Isa Alaihissalam ko Khuda ya Khuda ka beta saabit karna chahte they (maazAllah). Unhone kaha k agar humne saabit kiya to hum Aapko bad-dua denge aur agar Aapne hame galat saabit kiya to Aap hame bad-dua den. Jiska Aqeeda jhoota hai wo halaak aur barbaad hojaega. Bewakoof log kyunki unka Aaqa SallAllahu Alaihi wa Aalihi wa Sallam ki Nabuwwat aue Sadaqat par to unka Imaan tha nahi, unko ye baat sujh gayi galat aur Aaqa SallAllahu Alaihi wa Aalihi wa Sallam ko challenge kardiya. Aaqa SallAllahu Alaihi wa Aalihi wa Sallam ne challenge kabool karliya ke subh mubahla hoga.
Ab Sahih Muslim Hadees No. 2404 ki Hadees-e-Pak me aata hai mubahla ke liye subh wo aaye to Aaqa SallAllahu Alaihi wa Aalihi wa Sallam ne bulwa bheja Sayyeduna Imam Hussain ko Sayyeduna Imam Hasan ko, Sayyeda Fatima tuz-Zahra ko aur Sayyeduna Ali al-Murtaza (Salamullah Alaihim) ko. Aur Quran-e-Majid me Allah Rabbul Izzat ne Aayat naazil ki:

Surah Aale Imran Aayat: 61

“Aajao hum (milkar) Apne Beton ko aur tumhare beton ko aur Apni Auraton ko aur tumhari auraton ko aur Apne Aapko bhi aur tumhe bhi (ek jagahpar) bula lete hain, fir hum mubahla karte hain. Aur jhooton par Allah ki lanat bhejte hain”

Allah Pak ne Aayat bheji aur farmaya Mere Habib (SallAllahu Alaihi wa Aalihi wa Sallam) inhe bulalen, kahen: Aajao, Mai Apne Beton ko bulata hun tum apne beton ko saath laao, Mai Apni Auraton ko bulata hun tum apni auraton ko saath laao, Hum Apni Jaano ke saath aate hain tum bhi apni jaano ke saath aao, is tarah aamne samne aakar mubahla karte hain. Is Aayat-e-Karima ke saath Hadees-e-Pak me aata hai ke Aaqa SallAllahu Alaihi wa Aalihi wa Sallam ne usi waqt Apni Ahle Bayt ko bula bheja ye Sahih Muslim ki Hadees hai Hazart Ali ko bulake Apne piche karliya, Hazrat Fatima ko Saath karliya, Hasano Hussain ke Haath Pakad liye aur arz kiya: Baari Ta’ala Ye Meri Ahle Bayt hai! Aur un isaiyon se kaha Mai Apne Bete laaya hun, Imam Hasan aur Imam Hussain ko mubahla ke muqaam par Aaqa SallAllahu Alaihi wa Aalihi wa Sallam ne Quran ki Zuban me Apne Bete Kehke aylan karwaya! “Abna Ana wa Abna Akum. Hazrat Sayyeda-e-Kainat ke zariye Aurato ki representation karwayi aur Apni Jaano ko pesh karte hain kehkar Apne saath Maula Al al Murtaza ko Pesh kiya! To goya Nass-e-Qurani se sabit hua ke Maula Ali Sher-e-Khuda Nafs-e-Mustafa Hain! Mustafa ki Jaan ka Hissa Hain!!

To Jab Ye chale aur udhar se Najran ke isayi samne aaye tayyari karke mubahla ke liye. Jab un isaiyon ki Inpar nazar padi, Aaqa SallAllahu Alaihi wa Aalihi wa Sallam ka jalaal dekha, Shehzade Hasan aur Hussain dekhe, Sayyeda-e-Kainat aur Ali al-Murtaza ko dekha (Salawatullah Alaihim) to Hadees ke alfaz aate hain wo jo unke bade sarbara they isayi wafad ke unhone apne isaiyon ko rok liya, aur jo askaf-e-najran tha usne kaha: ‘Ya masharan nasara! Inni la ara wujuhan lou sa’alullaha ayi uzeera jabalan makanihi la za lahu.’ [Qazi Sanaullah, Tafseer Mazari,Volume 2, page 64] usne kaha “mai wo Chehre dekhraha hun ke agar in Chehro ne Apni Zuban se kehdiya Ay Allah ye pahaad apni jagah se hata de to Khuda ki Qasam pahad hat jaenge!” aur usne kaha mere isaiyi bhaiyon Khuda ke liye aage na bado, agar is mubahla me Mustafa (SallAllahu Alaihi wa Aalihi wa Sallam) ne dua kardi aur Hasan aur Hussain aur Sayyeda Fatima aur Sayyeduna Ali ke Zuban se Aameen nikalgaya to Khuda ki Qasam Qayamat ke din tak Ru-e-Zameen par koi Isayi nahi bachega! (Kyunki Huzoor Alaihissalam Apni Ahle Bayt se Farma diya tha ke Jo bhi Dua karunge us par Tum Sab Aameen kehna). Wo saare isayi wahi wapas palat gaye aur unhone tauba karli aur kaha ke hum mubahla se taaib hote hain challenge wapas lete hain.

To is waqiye me hua kya? “Abna Ana” Mai Apne Beton ke saath ata hun, To Beton se Hasan aur Hussain muraad liye (Alaihi-Mussalam), fir farmaya “Nisa ana wa Nisa akum” Jab Auraton ka zikr kiya to sirf Sayyeda Fatima tuz-Zahra ko bulaya kisi aur ko nahi, batana maqsud ye tha ke “Nisa Ana” me Fatimah is liye hai ke Qayamat tak Meri Nasl Isi se chalni hai. Ye Nehr-e-Kausar-e-Aal-e-Rasool hai (SallAllahu Alaihi wa Aalihi wa Sallam). Aur “Wa Anfusana wa anfusakum” Apni Jaano ke Saath aate hain tum apni jaano ke saath aao, Yahan Apni Zaat-e-Pak ke Saath Hazrat Ali Sher-e-Khuda ko Quran ki Nas se Apni Jaan me Shaamil kiya! Apne Nafs me Shaamil kiya! Isliye farmaya “Aliyumm Minni wa Ana Min Hu” aur ye bhi farmaya “Ya Ali Anta Minni wa Ana Minka” “Tu Mujhse Hai aur Mai Tujhse Hun. Isliye ke Anfusana wa Anfusakum! “Lahumaka Lahmi, Jismuka Jismi, Fark Nahi Mabain Piya.” Hazrat Ali Alaihissalam ko Apna Nafs qaraar diya, Jo Aapse Muhabbat karega wo Mujhse Muhabbat karega! Jo Aapse bugz rakhega wo Mujhse bugz rakhega.”

(Ye Waqiya Mubahla aur Aaayat-e-Munahla ka Nuzool #24_Zilhaj ko Hua tha)

Khudaﷻ_ Ke Noor Se Roshan Hue Hai Pancho Tan,
Mohammadﷺ, Ali؏, Fatemaس, Hassan؏ O Hussain؏..

Bas Yahi To Panch Hai, Bedamر 🙏🏻

Eid E Mubahila Tamam Muhibban E Ahlebait؏ Ko Bahot Bahot Mubarak Ho…

*Jab Aayat e Mubahila (Surah Ale Imaran 3:61) Nazil Hui, “Aao Ham Apne Beto Ko Bulaye Tum Apne Beto Ko Aur Ham Apni Aurato Ko (Bulaye) Aur Tum Apni Aurato Ko Aur Ham Apni Jaano Ko Bulaye Aur Tum Apni Jano Ko”.

*To Rasulallahﷺ Ne Ali؏, Fatemaس, Hassan؏Aur Husain؏ Ko Bulaya Aur Kaha, “Aye Allah, Ye Mere Ahlebait Hai”.

Reference:
👉Sahih Muslim:- Hadith No.6220

🌹 ईदे मुबाहेला मुबारक

24 ज़िलहिज्ज (10 हिजरी) वह अहम दिन है जब इस्लाम को क्रिश्चियनिटी पर फ़तह हासिल हुई और क्रिश्चियनस ने अपनी हार ख़ुद क़ुबूल की।

हुआ यूं कि पैग़म्बर हज़रत मुहम्मद (स) ने 10 हिजरी में नजरान के क्रिश्चियनस को लेटर भेजा जिसमें उन्हें इस्लाम की दावत दी और हज़रत ईसा मसीह को ख़ुदा का बेटा मानने से रोका लेकिन नजरान के क्रिश्चियनस ने इस्लाम की दावत क़ुबूल नहीं की और इसी बात पर अड़े रहे कि ईसा मसीह ख़ुदा के बेटे हैं और अपना एक डेलीगेशन पैग़म्बर हज़रत मुहम्मद (स) की ख़िदमत में मदीना भेज दिया, नबी ए करीम (स) ने ख़ुदा के हुक्म से उन्हें मुबाहेला (एक दूसरे पर लानत, अभिशाप) की दावत दी जिसे क़ुरआने मजीद के सूरए आले इमरान की आयत 61 में इस तरह बयान फ़रमाया है:

فَمَنْ حَاجَّكَ فِيهِ مِن بَعْدِ مَا جَاءَكَ مِنَ الْعِلْمِ فَقُلْ تَعَالَوْا نَدْعُ أَبْنَاءَنَا وَأَبْنَاءَكُمْ وَنِسَاءَنَا وَنِسَاءَكُمْ وَأَنفُسَنَا وَأَنفُسَكُمْ ثُمَّ نَبْتَهِلْ فَنَجْعَل لَّعْنَتَ اللَّهِ عَلَى الْكَاذِبِينَ…

पैग़म्बर! इल्म के आ जाने के बाद जो लोग तुम से (ईसा मसीह के बारे में) कटहुज्जती करें उनसे कह दीजिए कि आओ हम लोग अपने अपने बेटों, अपनी अपनी महिलाओं और अपने अपने नफ़्सों (अपने जैसों) को बुलाएं और फिर ख़ुदा की बारगाह में दुआ करें और झूठों पर ख़ुदा की लानत क़रार दें।

इस्लामी केलेंडर के बारहवें महीने ज़िलहिज्ज की 24 तारीख़ का दिन तैय हुआ।

पैग़म्बर हज़रत मुहम्मद (स) ने बेटों की जगह इमाम हसन और इमाम हुसैन अलैहिस्सलाम को लिया, औरतों से सिर्फ़ ख़ातूने जन्नत हज़रत फ़ातिमा ज़हरा (स.अ) को लिया और अपने जैसा सिर्फ़ हज़रत अली अलैहिस्सलाम को लिया और मुबाहेला (अभिशाप) के लिए निकले, जैसे ही क्रिश्चियनस ने इन नूरानी चेहरों को देखा तो यह कहते हुए मुबाहेला से पीछे हट गये कि अगर इन्होंने अभिशाप दे दिया तो क्रिश्चियनिटी बर्बाद हो जायेगी और अपनी हार तस्लीम करते हुए जिज़या देना क़ुबूल कर लिया और इस तरह इस्लाम को इन पांच पाक हस्तियों (पंजतने पाक) के सदक़े में बहुत बड़ी कामयाबी हासिल हुई।

लेकिन हैरत इस बात पर है कि आम मुसलमान इतने ऐतिहासिक और महत्त्वपूर्ण दिन को सेलीब्रेट क्यों नहीं करते!?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create your website with WordPress.com
Get started
%d bloggers like this: