Ashoorkhane mein Alaawa Kyun hota hai??

• Aap tamaam ne aashoorkhano’n ke sehen me ek thoda sa zameen se ubhra ubhra tannuur dekha hooga jisme shab e aashoora me aag laagayi jaati hai, bohot saare log souchte hain ke ye kis liye hoota? kis liye ye banayagaya hai?.

• Kuch din pehle meri nazar se ek taarikhi kitaab “Hyderabad Ki Sair” professor Agha Haidar Hassan Mirza Sahab ki likhi huwi guzri hai usme wo Hyderabad ke aashorkhano’n ka tazkirah karte huwe kuch yu’n hi likhte hain ke:

• Hyderabad ke aashoorkhano’n me ek cheez nayi hai wo ye hai ke shab e aashoora Hazrat Imam Hussain Alaihissalatu Wassalaam jo yazeedo’n se mohlat talab ki thi aur ahl e bait e athaar ki hifazat ke liye khaimagah ke chaaro’n taraf aag raushan ki thi taake dushmanaan e ahl e bait hamla na kare’n.
Issi ki yaad me yaha’n ke aashoorkhano’n ke sehen me ek thoda sa zameen se ubhra ubhra tannuur sa banaate hain, jisme muraadmand lakdiya’n daal kar shab e aashoora me aag raushan karte hain jisse alaawa kaha jaata hai.

• Urdu me alaawa us aag ko kehte hain jis ko jaade me sardi se bachne ke liye gaao’n waale raushan karte hain aur sab uske gird baith kar taapte aur baate’n karte hain.

• Jo hazraat apne apne gharo’n me alam e mubarak istaad karte hain unke paas alaawa pukhta nahi hoota lekin aashoorkhano’n me alaawa pukhta bana huwa rehta hai aur inhi alaawo’n ki wajah se Hyderabad ke aashoorkhane urf e aam me Alaawe kehlaane lage balke baaz muhalle tak in naamo’n se mausoom hogaye jaise ke bibi ka alaawa, alaawa e qadm e rasool, sartauq ka alaawa, alaawa e yateema’n waghera waghera….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create your website with WordPress.com
Get started
%d bloggers like this: