Aashoorkhana Shah Charagh

• “Aashoorkhana Shah Charagh”
Kuch din pehle mujhe is qadeem aashoorkhane ki ziyarat naseeb hoi ye aashoorkhana “Hazrat Shah Charagh Rehmatullahialah” ke naam se mausoom hai. Mujhe iske baare me zyaada tafseel to nahi pata lekin kuch waaqiyaat aur qadeem tasaweer aap ke saamne pesh hai.

• Tareekh se itna pata laga ke hazrat Shah Charagh rehmatullahialaih “Najaf e Ashraf Aastana e Ameer Ul Momeneen Imam Ali Alaihissalatu Wassalaam” se Hyderabad Deccan tashreef laaye. Jahan ab aap ki qabr e shareef hai wahin qiyaam karne lage, us waqt daaire ke aas paas Brahmano’n ki aabadi thi hazrat qibla Brahmano’n ki zubaan se waaqif nahi the ishaaro’n se baat kiya karte the aur brahman bhi hazrat qibla ke motaqid hogaye rafta rafta harf shanasi ke baad muhabbat me izaafa huwa aur phir log aane lage to issi tarha ye maqaam musalmano’n ki jaa e qiyaam bhi bangaya.

• Ek waqt hazrat qibla ne apne motaqido’n se farmaya ke: ek do rooz me hamara waqt e aaqir aane waala hai aap log tajheez o takfeen me jaldi na kare’n “Janaab e Ameer Ul Momeneen Imam Ali Alaihissalatu Wassalaam” ki jaanib se ek shaqs tajheez o takfeen ke zaroori saman ke saath waqt par aayega unhe hamara salaam kehna aur unke saath kaam me shareek hoojana. Chunanche wasiyat ke mutabiq ek shaqs tajheez o takfeen ke samaan ke saath “Najaf e Asharaf Shareef” se tashreef leeaya aur takfeen ke baad ek raat qiyaam kiya aur subha rawana hoogaya.

• Issi tarha ek waaqiya “Hazrat Noor Ul Huda Rehmatullahialaih” ka bhi hai jo ke hazrat shah charagh ke aastane par muqeem the aap ne bhi issi tarha wasiyat ki aur aise hi waaqiya pesh aaya, Shehr e Hyderabad Deccan ke akabireen ka kehna hai ke wo shaqs koi aur nahi balke khud “Ameer Ul Momeneen Imam Ali Alaihissalatu Wassalaam” the. ( SubhanAllah Haq Ali Maula Ali Alaihissalatu Wassalaam )

• Aashoorkhana aur hazrat ki qabr e shareef daaira mir momin sahab qibla rehmatullahialaih me hai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create your website with WordPress.com
Get started
%d bloggers like this: