*11 Rabi us Saani Sharif*

*Eid e Ghousiya Badi Gyarwi 11vi Shareef*

*Tamaam Aalam e Islaam Ko Eid e Ghousiya Badi Gyarwi 11vi Shareef Urs e Ghous ul Aazam Dastgeer Bhut Bhut Mubarak*

*Auliya e Ikram Se 11vi Shareef Ke Dalail*

*1. Hazrat Shah Abdul Haq Muhaddis Dehlwi Farmate Hain :- Beshak Hamare Mulk Me Aaj Kal 11vi Shareef Mashoor Hai Aur Mashaikh Me Yehi Tareekh Motrif Hain, Mene Apne Shaykh Imaam Abdul Wahab Muttaki Makki (Rehmatullah Alaih) Se Riwaaj e Urs (Gayarwi) Ke Bare Me Sawal Kiya To Apne Jawab Diya Ki “Ye Hamare Mashaikh Ke Tarike Aur Unki Aadate Hain Aur Is Bare Me Inki Kuch Niyate Hain” Phir Mene Poucha Ki Tamaam Dino Ko Chorkar Isi Din Ko Kuu Khas Kiya ? To Shaykh Ne Jawab Diya Ki “Mehman Nawazi (Khana Khilane) Ke Mutallik Sunnat Hain Aur Baaz Mutakhireen Ne Maghrib Ke Mashaikh Se Naqal Kiya Hain Ki Jis Din Inka (Sarkar Ghous e Aazam wa Digar Auliya) Ka Allah Tala Ki Bargah Me Wisaal Hua, Us Din Tamaam Dino Ki Nisbat Khairo Barkat wa Nooraniyat Ke Ummedwar Hona Bhut Zada Hain…*

📚 *Reference* 📚

Ma Sabata Minas Sunnah, Safa 145 -146
_______________________________

*2. Shams ul Ulama Hazrat Molana Syed Abu Saeed Sahab Jinko Shams ul Ulama Ka Laqab Ghous e Zama Hazrat Allama Molana Shah Fazle Rehman Ganj Muradabadi Naqshbandi (Rehmatullah Alaih) Ne Diya Tha, Aap Hazrat Molana Abu Saeed Rawi Hai Ki “Hazrat Molana Ahmad Miya Sahab Ne Farmaya Ki Aaj Gayarwi (11vi Shareef) Hain Aur Molvi Yousuf Ali Begh Bhopali Ne Batashe Mangwaye Hain, Hazrat Molana Shah Fazle Rehman Qibla Ne Farmaya :- Batashe Lao! Ham Fateha Kar De Aur Phir Aapne Foran Batashe Udhaye Aur Kuch Padh Kar Farmaya Ki Iska Sawab Hamare Nana Shaykh Abdul Qadir Jilani (Razi Allahu Tala Anhu) Ko Pouhche, 2-3 Batashe Khud Khaye Aur Phir Taqseem Ka Hukum Farmaya…*

📚 *Reference* 📚
Rehmat o Naimat, Safa 99
_______________________________

*3. Hazrat Mirza Mazhar Jane Jana (Rehmatullah Alaih) Apne Maqtoobat Me Farmate Hain :- Mene Khuwaab Me Ak Waseeh Chabootra Dekha Jisme Bhut Se Auliya e Ikram Halqa Bandhkar Muraqbe Me Hain Aur Unke Darmiyan Hazrat Khawja Bahauddin Naqshband (Rehmatullah Alaih) Do Zanu Aur Hazrat Junaid Baghdadi (Rehmatullah Alaih) Takiya Lagakar Bedhe Hai, Istagna Aur Ma Siwa Allah Aur Kaifiyat e Fana Aap Me Jalwanuma Hain Phir Ye Sab Hazraat Khade Ho Gaye Aur Chal Diye Mene Unse Daryaft Kiya Ki Kya Mamla Hai ? To Unme Se Kisi Ne Bataya Ki Ameer ul Momineen Hazrat Ali Murtuza (Razi Allahu Tala Anhu) Ke Istaqbal Ke Liye Ja Rahe Hai Bas Hazrat Ali Murtuza Shere Khuda (Karam Allahu Wajhu Kareem) Tashrif Laye Hai Aur Apke Sath Ak Kambal Posh Buzurgh Hain, Hazrat Ali (Karam Allahu Wajhu Kareem) Inke Hath Ko Nihayat Izzat wa Azmat Ke Sath Apne Mubarak Hath Me Liye Hue The, Mene Poucha Ye Kon Hain ? To Jawab Mila Ki Ye Khairut Tabaeen Hazrat Owais Qarni (Razi Allahu Tala Anhu) Hain, Phir Ak Hujra Shareef Zahir Hua Jo Nihayat Hi Saaf Tha Us Par Noor Ki Barish Ho Rahi Thi Phir Ye Tamaam Ba Kamal Buzurgh Isme Dakhil Hue Mene Iski Wajah Dariyaft Ki To Ak Shaks Ne Kha Ki Aaj Ghous us Saqalain Syed Abdul Qadir Jilani Ma Urs Hain, Ham Sab Urs Pak Ki Takreeb Par Tashrif Le Gaye….*

📚 *Reference* 📚

Kalimat e Tayibat – Farsi:- Safa :- 77-78

*4. Aalam Panah Hazrat Haji Syed Waris Ali Shah Sahab (Rehmatullah Alaih) Ko Gayarwi (11vi Shareef) Se Khas Ragbat Thi, Aap Khud Apne Yaha Gayarwi (11vi Shareef) Ka Ahtamam Karte The, Agar Koi Fateha Ke Liye Sheerni Lata To Aap Khud Fateha Diya Karte The….*

📚 *Reference* 📚

Aaftab e Wilayat, Safa :- 150