Pyaare Aaqa Ki Muhabbat Se Ye Dil Aabaad Hai.
Isliye Qauf o Qatar Se Dil Mera Aazaad Hai.

Mustafa o Murtaza Aur Faatima Ke Laadle,
Chaadar e Tatheer Me Bas Paanch Ye Afraad Hai.

Zindagi Me Bandagi Ko Chahta Hun Ho Ata,
Baargah e Mustafa Me Meri Ye Faryaad Hai.

Hai Libaas e Mislu Kum Me Ahdiyat Ka Martabah,
Jo Samajh Sakta Nahi Na shaad Hai Na Shaad Hai.

Jo Samajh Sakta hai Nikkaat e Tasawwuf Barmala,
Saari Dunya Me Wohi Bande Ka Dil Aabaad Hai.

Hazrat e Jibreel Ne Kya Khoob Paaya Hai Sharaf,
Hazrat e Jibreel Ke Bhi Mustafa Ustaad Hai.

Yak Nazar Bar Haal e “Bismil” Kijiyee Haan Kijiyee,
Aap Ke Ye Aastaa’N Me Saayil e Imdaad Hai.

{ Salllallahu Alaihi Wa Aalihi Wa Sallam }

Az Kalaam: ” Bismil ” Peerzada Sayyid Jaffer Hussain Zaidi Ul Waasti Hamzavi.

---

👥 Share With Your Friends & Family.

652wa Urs Mubarak 3 Rabi ul Awwal Imaam e Silsilai Naqshbandiya Sultan ul Aarifeen Imaam ul Tariqat Hazrat Khawaja Syed Baha ud deen Muhammad Naqshband Almaroof Shahe Naqshband (Rehmatullah Alaih)

Aapki Wiladat 14 Muharram 711 Hijri Mutabik 1317 Esvi Me Bukhara Ke Qareeb Qasr ul Aarifan (Uzbekistan) Me Hui, Aapka Wisaal 3 Rabi ul Awwal Sharif 791 Hijri Mutabik 1389 Esvi Peer Ki Raat Me Hua, Aap Shaykh ul Mashaikh Hazrat Syed Ameer Kulaal (Rehmatullah Alaih) Ke Mureed wa Khalifa Hain, Aapke Khalifa Hazrat Khawaja Syed Ala ud Deen Attar Al Bukhari (Rehmatullah Alaih) Hain, Aap Naqshbandi Silsila Ke Imaam Hain, Aapka Mazar Mubarak Bukhara, Uzbekistan Me Marjai Khaliak Hain…

👥 Share this Msg Your other Group and Other Contacts